Aaj kal website banane ke liye humne bhut se platform mil jaate hai jaise, Blogspot, WordPress, Tumblr etc. Aur in par website bhi bina kisi expanses ke ban bhi jaati hai lekin, jaise wo bolte hai na ki ” kiraye ka ghar toh kiraye ka hi hota hai, kuch aise hi in free ki website ke sath bhi hota hai”.
Lekin hum ye baat nhi samjte balki usi “Ghar” ( website) ko apni samjne lagte hai aur phir uska nuksaan bhi hume hi uthana padta hai.
Kyuki us website me features kam hote hai, jisse aap usme ek limit tak hi badlaav kar sakte hai. Phir isse hota ye hai ki aapki website acche se rank nhi kar paati, aur isse aapki website se hone waali earning par bhi effect padta hai.
Toh sabse pehle toh mai aapko yahi advice duga ki aap jab bhi koi website banaye ya kisi aur se banwaye toh paid website hi banwaye, jisse ki aapko zaada se zaada feature apply karne ki azaadi mile.
Agar aapki website paid hai aur tab bhi aapki website ki ranking me koi sudhaar nhi aa raha hai toh yaha hum aapke liye laaye hai kuch aise asaan tarike jinko apply karke aap apni website ki ranking sudhaar sakte ho. Jisse aapki earning bhi improve hogi.
Toh chahiye shuru karte hai :
Publish Quality post :
Aap jab bhi koi bhi post apni website par publish kare, toh usko acchi tarah se cross check zaroor kar le, agar koi kami ho toh usko tabhi door kar le, kyuki aapki website par aane waale naye visitors dubara tabhi aapki website par aayge, jab aapki website se unko unki problem ka solution simple tarike se milega.
Aur aisa tab hi sambhav hoga jab aapki website par unki problem se related post asaan sabdo me likha hua hoga. Ek Quality Content aisi bhut si post se bhut accha hai, jinko reader aadhe me hi chodkar chale jaate hai.
Perfect Headline Likhne ke 5 Aasaan Tarike
Toh jitna bhi ho sake, apni posts ki ek quality maintain rakhe, post choti bhi ho toh koi baat nhi, lekin quality acchi honi chahiye. Kyuki google bhi aapki website ko ranking aapki post ke likhne ke traike ko dekhte hue bhi deta hai.
Content ko samaye – samaye par update karte rahe :
Aapne shayed ye dekha na ho, lekin agar aap apne content ko regular update rakhte ho, toh aapka article google web page par top 5 me zaroor rahta hai. Kyuki aap sochte hai ki aapne ek baar article likh diya, toh complete ho gaya. Lekin real me aisa nhi hota hai, kyuki aapki post ko regularly dekhta rahta hai.
Agar same topic par aapse bhi accha article uske pass aata hai, toh wo usko aapse uper ki rankin de deta hai, jisse aapke us article ke visitors kam ho jaate hai. Toh aapne article ko regularly update rakhte aur ho sake toh unki pics bhi change karte rahe.
Full SEO Guide : SEO ki poori jaankari
Metadata :
Jab aap apni website ko design karte ho toh, sabhi pages ke beech me <head> tags ke beech meta data ko daalte ho ya phir jo content aapke page par hai uski jaankari aap uske ander likhte ho. Yadi aapke pass hai CMS website hai, toh UMS web team aapke liye ye data apne aap plant kar degi.
-
Title Metadata :
Title Metadata browser window par aane wale page titles ko display karne ka kaam karta hai. Ye aapke page ke sabse important metadata me se ek hai. Jo CMS website chalate hai, unke liye web team ne ek automated system banaye hua hai jisse wo har webpage par meta title ko laga sakte hai.
-
Description Metadata :
Description Metadata ek textual description hai jo is baat ko dekhta hai ki aapki website par kitna traffic aapki website par search engine ke jariye aa raha hai. Jaise ki ghar me ek window hoti hai bhar dekhne ke liye ye bhi theek waise hi hai.
Isse aapko ye pata chalta rahta hai ki bhar kya chal raha hai aur aap uske according hi apni planing karte ho.
-
Keyword Metadata :
Jab bhi hum kisi topic ke baare me jaanne ke liye search karte hai, toh wo search jis word se hum karte hai usko hum Keyword kahte hai. ye words aap apne paragraph, Headings kahi par bhi daal sakte hai. Agar keyword chote ho aur title me ho toh zaada accha rahta hai. Isse aapka blog ya website google apne pehle page par show karne lag jaata hai. Aur agar article accha hai toh top 5 me bhi aapka blog aa sakta hai.
Keyword Research kaise karte hai ?
Links worthy website banaye :
Article ke ander post se related links banane par dhyaan de, ya “Click here” karke post ke neeche is type ke links dene ki kosis kare. Lekin is baat ka dhyaan rahe ki “Click Here” ki tab tak koi value nhi hai, jab tak ki wo related URL se connect na ho. Agar keyword ek tarika hai jisse ki aapke visitor ki digit me increment ho sakta hai, toh link building ek aisa tarika hai, jisse ki aapki website ki ranking google search me badh sakti hai.
Alt Tags ka Istemaal kare :
Jab bhi aap kisi cheez ko ya apni kisi baat ko zor dekar kahna chahte hai toh, us baat ko describe karne ke liye aapko alt tags ka istemaal karne ki zarurat hai, jaise ki koi visual, videos ya phir koi alternative text descriptions. Ye sab cheeze aapke page ko search engine ko dikhane me bhut kaam ki sabit hoti hai, khass kar unke liye jo text kewal browsers ke liye hote hai.
Toh ye thy kuch asaan tarike jinko apply karke aapki website search engine me acchi rank pa sakti hai.
Aapko humara ye article kais laga ? Aap humne neeche diye gaye comment box me likhkar bata sakte hai.
Thank you,
Sunny sir Great article. Sabhi apna ranking badana chahte hai. Is liye maine bhi bohot sara post pada. Lekin apki post no. 1 hai. Ekdam detailed aur descriptive. Really, thanks for sharing.
Humne aapki website dekhi bohot acha design hai.
hey sunny,
aapne bahut hi achhi jankari share ki he jo ki rank badhane me kaafi had tak kaargar ho sakti he. keep it up.
acha article hai Jo bahut kuchh sikhne ko deta hai
Main bhi apne blog ki ranking increase karne ke liye tips dhond raha tha.
Thanks for this article its help me so much.
Aap mere blog ka design bataye kaisa hai?
Thanks
nice article hai .Hum simpl wording mai bhut kuch btaye hai