Aaj ke apne is article me hum aapko batayege ki aapko naye business ko shuru karte samye kin kin baato ka dhyaan rakhna chahiye ?

Ye baat aapne aksar dekhi hogi ki, aaj kal ka yuva metro cities me 9-6 ki shift karte hue kaafi preshaan ho gaya hai, aur wo ye chahta hai, ki kuch araam ke pal usko bhi mil jaaye, lekin agar aapke pass ek acchi job nhi hai toh aapko ye pal milna kaafi muskil hai.

Isliye zaadatar yuvao ka interest aaj ke time business me zaada badh gaya hai, phir chahe wo business online ho ya offline. Dono hi field me paise bhut hai bas aapke ander business ko sahi se manage karne ki quality honi chahiye.

Aaj ke apne is article me hum aapko aisi hi kuch qualities ke baare me batayge, jinko aap apne naye business me apply kar sakte hai aur apna business ko ek nayi ucchai de sakte hai.

Agar aapko apne business ko succeed banana hai to, aapke paas flexible or good planning and organizational skills ka hona bahut important hai. Zaadatar log business start karte hue ye sochte hai ki computers on karne se hi money aana shuru ho jaata hai. But unhe ye samjhna hoga ki business me money kamana jitna difficult vo sochte hai, reality me usse kahi jyada difficult hai

Toh chaliye shuru karte hai.

Naye Business ko shuru karte samye dhyaan rakhne wali baatin :

Business Idea :

Koi bhi business ek chota idea se hi shuru hota hai.

Offline Business ko online le jaane ke shaandar tarike

Business start karne ke liye business idea hona bohut jaruri hai, agar aap business start karna chahte hai or apke pass koi business idea nhi hai to pehle aap apne interest ke anusar ek accha sa business soch le. Aapka chuna hua business agar apke interest se hat kar hoga toh apko success milne me kafi wakt lag sakta hai.

Isliye business aisa chune jisme aapko interest ho isse aap kam samay me kamyab ho sakte hai. Dosto agar aap koi business nhi chun pa rahe hai ya fir confused hai ki apko kaisa business karna chahiye, toh aap apne friends, relative, Eldes se is baare me baat kar sakte hai, ho sakta hai ki unka koi idea aapko pasand aa jaaye.

Business ki Poori Jankari :

Dosto koi bhi business start karne se pehle us business se related poori jankari hona bohut jaruri hai, otherwise aapko market me stand karne me bohut problem ho sakti hai.

India me 90% business aise hote hai jo apni pehli anniversary bhi nhi mana pate. Aadhuri jankari ki wajah se ek businessman apne business ke liye thik se planning nhi kar sakta, jiske wajah se unhe age chalkar market me bohut se problems ko face karna padta hai or kabhi kabhi apne business ko shut down karne ke liye majboor hona bhi pad jaata hai.

Business Tips, Make Shayri Blog and Blogger Images #AskVikas Episode 6

To sabse pehle aap apne business ke bare me khub research kare or apne business related logon se mile, taki unse apko puri jankari mil sake or aap acche se soch sake ki konsa business karna chahiye?

Jankari na hone ke karan aap apne business ke liye planning nhi kar sakte or vision nhi bana sakte, isliye jaruri hai ki aap pehle market ko samjhe or market ke demand ke anusar apni planning kare.

Written Plan hona chahiye :

Ek acche plan ke bina, Business ka grow karna bhut muskil kaam hai.

Badiya writer kaise bane ?

Jaroori nahi ki aap book rakhe, but aap specific objectives, strategies, financing, a sales or marketing plan ki outlining karne ke liye kuch page aur kaam ko karne ke liye cash ki ek determination ki zarorat padti hai. In sab ko likhna ek crucial first step hai. Jo ki business ke liye bhut zaroori bhi hai.

Be Creative :

Humesha apne business ko improve karne ke tips ko dekhna chahiye, jo aapko competition me stand out karvata hai.

Recognize that you don’t know everything and apne new ideas or new approaches ko open karo apne business ke liye or uske liye aapka creative hona bahut important hai.

Apna Product or Service best se best de :

Dosto ho sakta hai ki apka Business bhut acche se chal jaye vo bhi bina kuch mehnat ke, lekin agar aap apne product or service ki quality achi nhi doge, toh customer dobara se apki shop par nhi aayga.

Aaj ke time me competition bhut jyada ho gaya ek customer ke pass saman khridne ke liye bhut option hote hai, isliye jaha tak ho sake apni taraf se customer ko best se best product or service dene ki kosis kare, chahe aap isme kuch rupee hi kyo na bacha pa rahe ho kyoki ek bar customer ko apki service or product pasand aa gaya toh wo bar bar apke pass aayega.

Jisse aapki income or popularity dono badhegi.

Kuch Alag kare :

Ek businessman ke nazar se dekha jaye toh market me competition level kitna badh gaya hai, ye toh aap dekh hi rahe honge.

Agar aap ek retail shop bhi kholna chahte hai toh aisa nhi hoga ki market me aap pehle businessman hai jo retail shop kholenge, market me already bohut sare retail shop honge.

Sochiye agar aap itne sare retail shop ke bich aapna ek retail shop kholte hai toh, kya apke shop par jyada customer ayenge ?

Customers aayge, lekin dusre shops ke mukable aapke shop par customers kam ayenge.

Apne competitors ko beat karne ke liye apko kuch alag or hat kar karna hoga jaise ki special discount, kisi product ke sath kuch free, apne shop ko acche se sajana or saf suthra rakhna, customers ke sath acche se communicate karna in sab chezzo se aapka shop bheed se alag dikhega or day by day aapke customers badhte rahenge.

Zaruri nhi ki sirf retail shop ke liye hi kuch alag karna hai, market me apni jagah banane ke liye koi bhi business me new innovation karna bahut jaruri hai.

Advertising kare :

Advertising apke Business ko bhut aage tak lekar jaati hai, kyuki aaj ke time me log uss cheez ya product par jyada viswaas krte hai, jiska unhone naam sun rakha ho ya phir uske baare me pata ho ki jo wo istemaal karne ja rahe hai wo product kaisa hai.

Example – Agar kisi ko 5 hajar rupye me ek sumsung ka mobile mil raha ho or ek jivi ka handset hai.

Google Adsense se $ 200 per day kaise kamaye.

Jivi ke mobile me sumsung se jyada function hai, Lekin phir bhi wo sumsung ka mobile hi lega, kyoki aapne usne sumsung ka naam sun rakha hai, lekin Jivi ka nhi.

Isliye apne Business ke liye advertising krna bhut jaruri hai.

Iska dusra faayda ye bhi hai ki aapka product zaada se zaada log tak pahuchta hai aur inme se ager 10% logo ne bhi aapka product le liya toh iske ander faayda aap hi ka hai.

Toh ye thy kuch aise tips jinko aap naye business ki shuruwat me try kar sakte hai.

Aapko humara ye article kaisa laga aap hume neeche diye gaye comment box me likh kar hume bata sakte hai.

Aap hume social media par bhi follow karke humari daily update le sakte hai.

• Facebook 
• Twitter 

Thank you,