Hum laptop isliye kharidte hai ki hum free hokar kahi se bhi kaam kar sake. Lekin aisa ho nahi pata kyoki humare laptop ki battery hamesha hamara sath nahi deti. Laptop ki details me to likha hota hai ki laptop 3-4 ghante chal sakta hai, shuru shuru mai to laptop acha backup deta hai, lekin kuch samye baad hamari laptop ki battery sirf 1.5 – 2 ghante ki hi reh jaati hai.
Iska kaaran ye hai ki hum laptop ki battery ka dhyan nahi rakhte hai, aise kuch tarike hai jisse aap apni laptop ki battery ki life bhada sakte ho. In tariko ka use karne se aapki laptop ki battery jaada samye tak chalegi aur uski life bhad jayegi. Lekin agar aap in tariko ka use nahi karte to aapke laptop ki battery time se pehle hi kharab ho jayegi aur aapko nayi batter lagwane ke liye budget se bahar jana padega.
Is article me mai aapko Battery life aur backup bhadane ke kuch tarike batauga.
Battery Backup Bhadane Ke Tarike
Is section me aapko apni battery ke chalne ka time bhadana sikhauga.
Laptop ko Power sever par daale
Jab laptop charging par na laga ho to sabse pehle apne laptop ko power saver mode par daale. Power saver me daalne ke baad aapka laptop apne aap samajh jayega ki power bacha kar chalna hai.
Screen Ki Brightness kam rakhe
Aapki laptop ki screen sabse jada power (40%-50%) leti hai, aap apni screen ki brightness ko kam kar sakte hai. Agar aap apne laptop ki screen ki brightness ko kam rakhege to battery me lagbhag 45 min se 1 hour tak extra backup aa sakta hai.
Bluetooth WiFi Bund Karde
Wifi has samye aas pass ke networks ko dhundta rehta hai jisse ki kafi battery kharch hoti hai, agar aap battery bhacana cahte hai to jab bhi ho sakte apne WiFi ko bund rakhe. Bluetooth bhi agar use nahi ho raha hai to OFF rakhe.
External Drive Nikalde
Pen Drive, Mobile Phone ya External Hard Disk kafi power leti hai inhe apne laptop se disconnect karke rakhe.
CD Drive Khali Rakhe
Agar aap apne laptop me CD se kuch bhi kaam karte hai to battery bachane ke liye aap CD ko laptop me copy karke rakh sakte hai aur fir kaam kar sakte hai. Aisa isliye hai kyoki drive me padhi CD ghumne se battery ki kafi power lagti hai.
Aage Padhe :
Apps aur Programs Ko Close kare
Sirf aapke laptop ka hardware hi nahi hai jo battery choose raha hai. Background me chalti hui applications bhi aapki battery kha rahe hote hai. To agar battery backup bhadana hai to faltu aur unused programs ko band karke rakhe.
Aap Task Manage se dekh sakte hai ki kon kon se programs aapki battery sabse jada use kar rahe hai. Inme se aap jo kaam ke programs nahi hai unhe stop kar sakte hai.
Task manager kholne ke liye aap CTRL + SHIFT + Esc keys ek sath daba sakte hai. Ab aapne jo bhi program band karna hai uspar Right click karke End Task kar sakte hai.
Sirf aise hi programs ko band kare jinke baare me aapko pata ho, kahi program hamari windows ko chalane ka hi kaam kar rahe hote hai, inhe bund karne se hamara system hang ho sakta hai.
Laptop Ko Sleep par daale
Jab hame 20-24 min ka koi kaam hota hai aur hume laptop chodkar jana hota hai tab aap apne Laptop ko shutdown karne ki bajaye sleep par daal sakte hai, Shutdown karne se laptop ko saare process dubara chalane padhte hai jisse battery jaada waste hoti hai, lekin sleep me sabhi processes pause ho jate hai aur jab hum laptop ko sleep se vapas late hai tab laptop use condition me dubara se kaam karna shuru kar deta hai.
Battery Life Bhadane ke Tarike
Abhi tak hume battery backup bhadane ke tarike seekhe ab hum seekhege ki kis tarha hum apne laptop ki battery life lambe samey tak achi rak rakte hai.
Laptop Ko Thanda Rakhe (heating se bachaye)
Heating hone se laptop ki battery life par negative effect padhta hai, laptop ko heat hone se bachane ke liye cooling pad kharide.
Hamesha apne laptop ko solid jagha jese ki Table par rakhe, kabhi bhi apne laptop ko bed ya kisi narm jagha par mat rakhe, isse aapke laptop ka cooling Fan block hojaega aur aap laptop jaroorat se jada heat hojaega.
Battery ko Calibrate Kare
Battery ko calibrate karne se uski charge rakhne ki capacity bhad jati hai. Mahine me ek do bar in steps ko kare:
- Pehle apni battery ko 100% full charge kare, aur use charger lagakar 1-2 ghante tak full par hi rakhe.
- Phir charge disconnect karde aur laptop ki battery ko poori khatam hone de.
- Ab phir se apne laptop to 100% charge kare 1-2 ghante rak full charge rakhe.
- Phir se uski poori power khatam honede.
Kabhi kabhi aisa karne se aapki battery ki life bhad sakti hai.
Defragment Kare
Jab hum apne computer par file daalte aur delete karte hai wo file hard disk par ek hi jagha par save nahi hoti, hame dikhti wo ek hi jagha par hai lekin Hard Disk ke ander wo alag alag jagha par feli hoti hai, jise Fragmentation kehte hai.
Jab aap file ko kholte hai to feli hui file to Open karne ke liye aapke computer ko jada mehnat karni padhti hai, jisse ki jada energy lagti hai.
Hum in files ko defragment karke hard disk ko healthy condition me rakh sakte hai.
File defragment karne ke liye apne start menu me jaakar defragment search kare. Fir windows ka Defragment software khole. Fir aap ek ek karke aapni har drive ko defragment kar sakte ho.
Agar aapne upar diye gaye tariko ko use kara to aap apne laptop ki battery life kafi bhada sakte hai. Jadatar tarike asaan hai.
Aise hi aur articles ki regular updates prapt karne ke liye hamara Facebook Group join kare.
Thank You 🙂
Ye bhi Padhe :
- Blogger par Free Website ya Blog kaise banate hai ?
- Blog aur Website me kya fark hota hai ?
- Aahaar card internet se kaise download karte hai ?
Very nice young man
Thank you Abhilesh kumar
V n y m
mere pendrive me 20 shortcut virus hai jisase pendrive ko formate karane par vo formate nahi hota aur write protected likhata hai kya is pendrive ko repair kar sakate hai aur kaise
Aap pehdrive ko CMD dwara bhi format kar sakte hai. Ye Video dekhe CMD dwara pendrive format kare
Mara laptop 10 min chalta hai
Karipya aap apni battery ek baar zaroor check kar le, yadi usko bhut time ho gaya hai aur wo sahi backup nhi de rahi hai, toh aap nayi battery le sakte hai. Yadi guarantee me hai toh usko change bhi kar sakte hai.