Aap kayi dino se Email ka istimal kar rahe hai, Lekin aapko shayad abhi bhi Cc ya Bcc ke bare me nahi pata hoga. Nahi pata to seekh lo kyoki ye dono bohot kaam ki cheeze hai.
Jab hum Email bhejte hai to hum To field me jise Email bhejna hota hai uska Email address likhte hai. Lekin humko agar Email ek se jada logo ko bhejna ho to hum “,” comma ka use karke ek se jada logo ke Email Addresses likh sakte hai. Cc aur Bcc bhi ek se jada logo ko email bhejne ke kaam aata hai, lekin isme pehle tarike se kafi farak hai.
Chaliye pehle jante hai ki…
TO aur CC mai kya farak hai?
TO aur CC field lagbhag ek jaise hai.
Agar aapne 4 logo ko Email bhejna hai to aap To me charo ka naam “,” se alag karke charo ko Email bhej sakte ho. Par To karne se charo me se kisi ko bhi ye kabhi pata nahi chal payega ki baki 3 kon hai jinhe yahi email gaya.
CC ka matlab hota hai Carbon Copy. Agar aap Ek vishesh vyakti to email bhejna hai aur aap cahte hai ki baki 3 logo ko pata rahe ki kya Email bheja to aap baki 3 logo ka Email address CC field me daal sakte hai. CC karne se charo ko pata chal jayega ki Email kis kis ko gaya, aur un sabke ke Email address bhi ek doosre ko dikh jayege.
Mai ek udharan deta hun: Manlo aapki company me ek customer ki complain aayi, ab aapka boss us complain to sahi karne ki jimmedari aapko deta hai, lekin wo dekhna bhi cahta hai ki aap customer se Email ke dwara kya baate kar rahe hai. To aap apne customer ka Email address TO me daalkar apne boss ka address CC me rakh sakte hai. Isse har wo Email jo aap customer ko bhej rahe hai uski carbon copy aapke Boss ko bhi jayegi.
Par yaha CC karne se aapke customer ko aapke boss ka Email address bhi show ho jayega. Agar aap customer se apne Boss ka Email address chupana cahte hai to BCC (Blind carbon copy) ka pryog kar sakte hai.
CC aur BCC me Farak?
Jab aap CC karte hai to CC ki list sabhi Email receive karne wale ko pata chal jata hai. CC karne se aapke Boss ko pata rehta hai ki Email customer ko gaya, aur customer ko bhi pata rehta hai ki Email ki Carbon Copy Boss ko bhi gayi hai.
Lekin BCC “Blind Carbon Copy” karne se Email list gupt rehti hai aur kisi ko bhi nahi pata chal pata ki kis kis ko Email ki copy bheji gayi hai.
Ek aur farak hai, CC me list ko reply ka bhi pata chalta rehata hai leking BCC list me reply chup jate hai.
Kab CC Kare aur Kab BCC kare?
CC kab kare:
- Jab aap kisi aur ko bhi apne bheje gaye Email ki copy bhejna cahte hai, aur aap cahte hai ki sabko pata rahe ki kis kis ko Email gaya hai.
BCC kab kare:
- BCC tab kare jab aap cahte hai ki jisko aapne Email bheja hai use ye na pata chal sake ki ye Email kisi aur ko bhi gaya hai.
Gmail Mail CC/BCC Kaise Kare
Gmail me CC ya BCC karne ke liye To field me right me diye gaye CC BCC par click kare
CC ya BCC field me logo ke Email address bhare.
Maine is article me poori tarha CC aur BCC ke baare me batane ki koshish ki hai, Lekin phir bhi aapka agar koi sawaal hai to neeche diye gaye comment box me comment kare, hamari team jald se jald reply karne ki koshish karegi.
Thank You 🙂
Ye bhi Padhe:
- Ek Accha Email kaise likhte hai ?
- Email kaise bejte hai(file ke sath) gmail ke dwara.
- Email ke sath file kaise attach karte hai ?
muja sir ya btayooo ki To kya likhta ha aur Cc ya Bcc ma kya likhta ha aur subject and email compose ka kya matlab ha ya phir a a a p muja ya batiyaaa ki email kasa bhejta ha plzzzzzzz. ?????? Sir jaldi
Ek Accha Email Kaise Likhe
Aap is post ko padh sakte hai.
Waise maine CC uar Bcc ko article me fully explain kar diya hai toh aap isse bhut kuch seekh sakte hai.
cc mai ak sath kitne logo ko mail kar sakte hai ?