Jab aap apne liye koi Ghar dekhne ke liye jaate ho, sabse pehle ghar ke aas-pass ke mahole ke baare, paani ke baare me , lighting ke baare, etc sabhi parkar ki poori jaankari lete ho, tabhi aap ghar kharidte ho.

Same yahi rule aapke online kaamo me bhi laagu hota hai, Blogging unme se ek hai.

Agar aap koi book likhte hai ya phir koi notes nikhte hai toh aap pen se paper par likhte hai jis kisi bhi topic ko hum likhte hai usko hum content kahte hai, iske baad page (paper) ko banding kara kar ek book ya notes tyaar kiya jaata hai.

Lekin website par jo content likha jata hai jahir si baat hai wo pen se toh nhi likha jayga. Toh iske liye aapko HTML, CSS, PHP jaise language ki zaroorat padegi. ye sabhi programming language hai. Inse hi internet par page banta hai.

Yadi aap Blogger, writer, doctor etc hai, toh ye toh hai nhi ki aapko ye sabhi programming language aati hi hogi.

Toh iske liye Content Management System banaya gaya hai means jo likha hua hai usko manage karne ka system, isko short me hum CMS bhi kahte hai.

• WordPress me Facebook commenting system kaise lagaye ? 
• Blog aur website me kya anter hai. 

WordPress kya hai ?

WordPress ek Content Management System hai, jo humare dwara likhe gaye content ko manage karne ke kaam me aata hai, isse hum asaani se apna content likh sakte hai, publish, delete aur save etc kar sakte hai.

Aap aksar Facebook ya dusri social networking site ka use toh karte hi hoge aur isme aap front page par jo photo, content publish karte hai. wo sabhi css, php etc programming language ke dwara hi hota hai. Lekin Internet aapko sirf front page hi dikhata hai, wo aapko peeche likhi hui programming language nhi dikhata. Iski ko content management system kahte hai.

WordPress Famous kyu hai ?

Poore world me sirf wordpress hi nhi, balki bhut se website making platform aate hai. Lekin wordpress isliye famous hai, kyuki ye Open Source platform hai, Open Source se mera matlab ye hai ki, koi bhi aise cheez jisko sabhi log istemaal kar sakte hai, wo bhi bina paise diye hue. WordPress ka bhi code bilkul free hai, isko bhi koi bhi istemaal kar sakta hai.

Dikkat ki baat ye hai wordpress toh free hai, lekin jis server par hume isko daalna padta hai waha par iski kuch na kuch cost aati hai, jo humko deni padti hai. For Ex. Jab hum Computer chalate hai, toh humara electricity bill toh aata hi hai.

Thik isi tarah server ka bhi kuch na kuch kharcha toh aata hi hai. Ye baat aapko samjni hi padegi ki wordpress toh free hai but usko chalana free nhi hai.

WordPress ka design bhut accha hai aur is par aapko bhut se free aur paid themes asaani se available ho jaati hai.

Blogging ke liye wordpress se accha platform ho hi nhi sakta, na sirf blogging ke liye, kisi bhi type ki website banane ki liye bhi ek best hai. Duniya bhar me 25% log blogging aur website ke wordpress ka hi use karte hai.

Plugin kya hai ?

Maan lo mere pass wordpress hai, Mai isko blogging ke liye use kar raha hu, aap isko e-commerce website ke tor par use kar rahe ho. Toh ye dono hi kaam different hai.

WordPress ek 5-6 mb ka ek software hai, toh shopping ka software iske sath nhi aata, wo sirf blogging ka hi feature deta hai aur wo bhi by default aata hai. Toh ab aapko isme shopping ka feature chahiye toh , aap isme ucommerce ka plugin laga sakte hai.

Plug-in means jaise aap apne ghar ke kisi instrument ki wire ko plugin karte ho thik waise hi ye ready to use hote hai, ye aapki website ki requirement hisaab se alag alag tarah ke milte hai. Ye PHP language me hote hai, jinko download karne bhut hi asaan hai, sirf click karne par hi ye install ho jaate hai.

Jaise hum android phone ke sath karte hai, jis app ki hume zaroort hoti hai usko hum Google Play store se download kar lete hai. Thik waise hi jis parkar ki humari website hai, toh uski zaroort ke hisaab se hum plugin download kar sakte hai.

PHP kya hai ?

PHP ek programming aur scripting language hoti hai, jisko hum Pre-Hypertext Programming language kahte hai. Iski language me server par humare dwara likhi gayi koi bhi language jaati hai aur HTML browser page ko bejti hai.

MySQL kya hai ?

WordPress me kuch bhi save nhi hota, ye ek Date base se juada hua hota hai, jaise aapne koi photo store ki wordpress ki though, isme wordpress ka software us photo ko utha kar ki data base me store kar deta hai. For Ex. jab hum Ms word me kisi bhi file banate hai toh usko hum kisi bhi folder me save kar sakte hai. Aise hi wordpress jab bhi koi document banate hai toh, usko bhi hum kisi bhi folder me save kar sakte hai, aur jis folder me save karte hai wo storage Date base hoti hai.

Toh mere khyaal se aapko wordpress ke baare me ab bhut knowledge ho gayi hogi.

Toh point ki baat ye hai ki wordpress ek dum free hai, bas hosting ka kharcha hota hai aur wo bhi 2500 rs/year toh mai nhi manta ki ye bhut zaada hai. Agar aap apni bloggin/business ke liye serious hai toh aapko kuch na kcuh investment toh karni hi hogi na sirf bloggin baaki field me bhi, bas waha par bhut zaada hoti hai aur yaha par bhut hi kam.

Aapko humra ye article kaise laga ya aapke koi swaal hai toh aap hume neeche diye gaye comment box me likhkar puch ya bata sakte hai .

Thank you.