Agar aap Facebook chalate hai to aapne notice kiya hoga ki Facebook ne naya feature nikala hai jisme Video apne aap autoplay hone lag jaati hai. Pareshani ki baat ye hai ki ye feature Desktop ke sath sath mobile par bhi Videos ko apne aap chala raha hai. Hamare Private Facebook Group me bhi kayi log iska solution pooch rahe hai.
Kayi logo ko ye feature pasand aa raha hai lekin bohot se logo ko isse problem ho rahi hai kyoki Video play hone se unka Mobile Data khatam ho raha hai.
Facebook is bhadiya baat ye hai ki wo is feature ko band karne ka bhi tarika de raha hai. Agar aap bhi Facebook ke autoplay feature se pareshan hai to aapko is article me batauga ki aap sirf 3 simple step me ye Auto play feature band kar sakte hai.
Facebook Autoplay Kaise Bund Kare
Is guide me aapko maine do hisso me bata hai, pehle me aapko apne PC par autoplay off karna sikhauga phir Android mobile par autoplay band karna sikhuga.
Facebook Autoplay PC par bund kare
Step 1: Sabse pehle apne Facebook account me login karo aur upar right corner me diye gaye down-arrow par click karo.
Ab ek list khul jaygi, is list me se aap Settings par click kar sakte hai.
Step 2: Ab agar aap left me bane Menu ki list dekhege to sabse neeche se Video ke naam se link hai. Isi video link se hum Facebook Video ki settings change kar sakte hai. Is Video link par click kare.
Step 3: Video Settings ka page khul jayega, is page par do options hai. Pehle option se aap apne Facebook profile par Video quality set kar sakte ho, aur doorse option se aap Video autoplay On ya Off kar sakte ho.
Aage padhe:
Pehle se ye option Default hota hai, jiska matlab hai ki Video autoplay honi cahiye.
Step 4: Ab Off karne ke liye right mai bane button par click karo. Aur list mai se Off ko select karlo.
Dekha kitna aasaan hai Facebook ka ye naya feature off karna.
Website par to chalo hamne disable kar diya. Lekin ye feature hamari mobile application me Off karna jada jaroori hai kyoki videos mobile ka saara data khatam kar rahi hai. Agar aapke pass Andriod mobile hai to aage hum Facebook App par video ki setting karna seekhege.
Facebook Autoplay Android App par Off kare
Step 1: Mobile par apni Facebook App khole, app ke menu me bane aakhri icon par click kare (Is 3 line waale icon ko hum Hamburger menu icon bhi kehte hai)
Step 2: Thoda neeche jaoge to aapko App Settings ka option dikhega, is option par click kare.
Step 3: Ab is setting option mai ek option “Videos play automatically” ke naam se hoga. Is option par click kare.
Step 4: Ye option pehle se On hoga. Videos ka autoplay rokne ke liye Off par click kare.
Bas itna hi aasaan tha. Mujhe umeed hai ki ye article aapko samajh aaya hoga, aur autoplay feature band karne ke baad aapke keemti mobile data save hoga.
Agar aapko ye article pasand aaya hai to aap isko apne dosto ke sath share karna mat bhoole. Aise hi aur article prapth karne ke liye aap hamara Private Facebook Group bhi join kar sakte hai.
Ye bhi padhe:
- Google Drive kya hai ?
- Internet se Free e-book download krne ki best websites .
- Facebook Developer kaise bane ?
Leave a Reply