Page Rank kya hai Aur ise Kaise Bhadaye

Kya aapko jaana hai ki page rank kya hai, isko bhadaye kaise, aur apne blog ya website par jada se jada traffic kaise laye.

Is article me mai aapko PageRank ke baare me batauga, aur aap apni website ki page rank kaise bhada sakte hai.

PageRank kya hai ?

PageRank ek score hai jiske istimaal se Google search engine ye tey karta hai ki aapki website search result me kis rank par dikhane hai. PageRank yani ki PR 1 – 10 ke beech me hoti hai, jisme 10 sabse bhadia rank hai. Jitni achi aapki PageRank hogi untna jada aapki website ke Google ke Top par aane ki sambhawana bhad jayegi aur aapki website par utna jada organic traffic aayega.

Page rank kaise tey hoti hai?

• Sabse jaroor cheez jo page rank ko tey karti hai wo hai ki aapki website par quality external links (doosri websites se link) kitni aa rahi hai.
• Jitni jada aapki website par external links hogi unti aapke page rank bhade ki sambhawana bhad jayegi.
• External links ka matlab hai ki kitne log aapki website ki link apne article me daal rahe hai. External link nakli nahi honi cahiye. Nakli external link walo ko Google ban kar sakta hai.
• Google ko ye lagta hai ki agar aapki website logo ke kayi baar link ki hui hai to aapki website achi hi hogi. Lekin Google ye bhi kehta hai ki aapki website ki popular hone ke baad bhi page rank kam ho sakti hai.

Google ki search engine team ke Matt Cutts ne iske baare me apni video me jikar kiya hai.

Aage Padhe :

1. Mobile Number se Naam aur Location kaise pata kare ?
2. Gmail par Photo kaise Upload karte hai ?
3. Ek Accha Email kaise likhte hai ?

“Mai is sawaal ka jawaab dunga kis tarha simple popularity (lokpriyeta) ko hum true authority (Asli adhikar) se alag kare? …. Page rank ko log website ki lokpriyeta se jodte hai, joki sach nahi hai ! Kyoki agar aap dekhege kayi websites jo bohot popular hai, jaise ki porn websites bohot lokpriye hai lekin koi bhi aisi website ko link nahi karta. Durse haat pe agar aap kisi Government ki website dekhege jada lokpriye nahi hai, lekin bohot se log Government websites ko link karte hai.

To kehne ka matlab ye hai ki Lokpriyeta uski hoti hai jaha log jate hai, aur PageRank wo hoti hai jaha log link karte hai. Agar lokpriyeta se websites ki page PageRank tey hoti to porn sites sabse jada rank karti aur governement website Google par bohot low rank karti.”

Google PageRank kaise tey karta hai ?

MOZ (Ek SEO company) ke dwarye kiye gaye survey me unhone 150 experts se poocha “Ki kon kon si cheeze page rank ko sabse jada prabhavit karti hai ?”

Hum shuruwaat karne ke liye inme se 4 cheezo par focus kar sakte hai:

1 – Domain-Level Link Features: Ye aapki website ki main link ko kitni quality links mil rahi hai, logo ka aapki website par kitna vishwas hai wo is par depend karta hai. Iska ek simple sa udharan ye hai ki Google wikipedia ke top par isliye nahi aati ki uski incoming links jada hai, balki isliye upar ati hai kyoki uski main domain wikipedia.com par sab kuch mila kar links jada hai.

2 – Page-Level Link Features: Ye nirbhar karta hai ki kitni links aapke pages par aa rahi hai. Kitni links aa rahi hai isse jada ye important hai ki kis kis website se link aa rahi hai. Agar aapki website par kisi low quality website se link aa rahi hai to yaha ranking kam rahegi. Isliye jada se jada High Quality link banane ki koshish kare.

3 – Page-Level Keyword & Content-Based Features: Aapke page par kya likha hai ye upar nibhar karta hai. Isliye hamesha aap jis baare me article likh rahe usse sambandhit keywords ko apne article me sahi tarike se daalna hoga. Yaha title (Heading) ka prayog bohot matter karta hai, kyoki Title dekh kar hi Google fesla karta hai ki aapka article kis baare me hai.

4 – Page-Level Keywor-Agnostic Features: Jaisa ki me hamesha se kehta hun, Logo ko apni website par lana hi jaroori nahi hai, log aapki website par aaye aur aapne jo likha hai use aaraam se bhi padh paye. To article ki lambaiye bhadiya honi cahiye, padhne me aasaan hona cahiye, kisi ka copy kiya hua article nahi hona cahiye, website ka design aur uski speed bhi achi honi cahiye.

Baaki aur bhi cheeze hai, jinke baare me aap https://moz.com/search-ranking-factors jakar jaan sakte hai.

Kis tarha PageRank Bhadaye

Apni website ki PageRank bhadane ke liye neeche diye gaye steps par dhyaan de.

Jaroori hai ki Quality backlinks bhadaye:

• Sabse pehel aapki website par aisa content hona cahiye jisse ki logo ko kuch help mile. Ki log use apne blogs par link kar sake.
• Social Network par share kare, social network par aap un group ya pages par target kare jo ki aapki website par di gayi jaankari dhund rahe hai. Social media aapki website par link lane ka ek acha saadhan hai.
• Internet par communities par sawaal jawaab kare, logo ke sawaal ka jawaab apne article me likh kar de. Aur jarooratmand logo ko wo article bheje.
• Guest Blogging: Ye sabse acha tareeka hai apni website par link lejane ka, isme aap apni website se sambandhit feild ki kisi high PageRank website par free me article link sakte hai, jiskte badle mai wo website aapko apne article me ek – do link daalne ki permisson de sakti hai.
• Images Daale: Agar aap apni website par images ka istimaal nahi kar rahe to aapki website boring lagi. Images daalne se aapki website padhne me logo ko aasani hogi. Aur to aur Google images ke dwara bhi aapka traffic bhadega.
• Youtube videos : Youtube blogging ka future hai, agar aap ek achi YouTube video bana kar apni website ki link uske description me daal dete ho to aapki website ki ranking kafi achi ho sakti hai.
• Comments: Apne topic se sambandhit websites ke articles par aap ek accha comment likh kar bhi aap apne website ki PageRank bhada sakte hai.

Agar aap upar diye gaye tareeko ko apni website me lagate ho to aapki PageRank jaroor bhadegi, apni website par content likhte hue ek cheeze dhyaan rakhni behad jaroori hai – ki aap article insaano ke liye likh rahe ho Google search engine ke liye nahi. Aur agar aap sochte hai ki aap galat tareeke se apni website ko rank karke Google ka pagal bana sakte ho, to aap galat ho, Google saal me 1-2 search engine update deta hai, aur un updates me sabhi low quality website ki ranking khatam ho jati hai.

Agar aap PageRank bhadane se sambandhit koi bhi jaankari cahte hai to neeche diye comment box me pooche.

Dhanyawad 🙂

Ye Bhi Padhe :

1. Alexa Ranking kya hai ?
2. Free Website ya Blog kaise banate hai ?
3. Web Designing kya hai ?