12th ke baad kya karna chahiye

12th ke baad kya kare ?

Ye ek aisa sawaal hai, jiska answer aaj kal har 12th passed student dhund raha hai, lekin usko koi proper answer nhi mil pa raha hai.

Toh aaj hum aapke inhi swaalo ka jawaab dege, jisse aapko ye samjne me madad milegi ki, aapko aage kya karna chahiye, jisse ki aap aage apni life me successful ban paaye.

Toh chaliye shuru karte hai.

Sabse pehle jaise aap 12th pass karte ho toh aapke mann me ek hi question aata hai ki ab hume kya karna chahiye ?

Humare yaha India me kuch students ka future toh unke parents hi decide karte hai, ki unko B.Tect karni hai ye Doctor banana hai.

Lekin meri nazar me ye bilkul sahi nhi hai, parents ko chahiye ki wo apne bacche se puche ki usko kya chahiye, agar wo sahi hai toh uski baat zaroor manani chahiye, agar uske hissab se wo galat plateform choose karne ko bol raha hai toh, unko apna suggestion bhi dena chahiye.

Acche College me Admission :

Toh jaise hi aap 12th clear karte hai, aap entrance exams ki preparation me lag jaate hai, phir chahe wo B.Tech, CPMT, CPT, Govt jobs etc ke exam ho sakte hai.

Agar aapka number/rank acchi aati hai aur aapko koi bhi accha college mil jaata hai, toh isse badi baat aapke liye nhi ho sakti. Kyuki acche college me jakar aapko bhut kuch seekhne ko milta hai, aur aap kam mehnat me, acche teacher ki guidence me aapne talent ko aur accha bana sakte ho.

Yaha par aapko is baat ki chinta bhi nhi hoti ki college ke bhar nikal kar aapko job dhudni padegi, kyuki last semester me acchi se acchi companies campus me aapka selection karti hai, toh agar aapka number govt/acche college me ho jaata hai toh aapki life set ho sakti hai.

Average college me Admission :

Agar aapka admission kuch reasons se Govt colleges me nhi hota, toh darne ki koi baat nhi hai, kyuki aapke liye dusre colleges ke raste toh khule hue hai hi, lekin yaha par aapko bhut mehnat karne ki zarurat hoti hai.

Aur notes banana, projects banane ki liye teacher ke additional help leni hoti hai, jisse wo aapki tarf zaada dhyaan de sake.

Yaha mai aapko kuch points bata raha hu, jinko aapko improve karna hoga.

• Hardwork
• Skills improve karna
• Internship
• Work for free
• Personality Development

Inme se kuch aisi cheeze hai jo aapko koi nhi seekha sakta, ye aapko khud hi seekhi padti hai, phir chahe wo online line tutorial, youtube videos etc se aap seekh sakte ho.

Yaha mai aapko ek baat aur batana chahuga ki aaj kal online sab kuch avalabile hai bas aapme wo janoon hona chahiye, jisse ki aap ye sab seekh sake.

Agar aap ye sab bhut hi acche tarike se kar lete ho toh aapko kamyaab hone se koi nhi rok sakta.

Companies ki placement yaha bhi hoti hai, lekin yaha aapka talent dikhta hai, kyuki aap ek average college ke student hai toh aapko kuch aisa karke dikhana hota hai, jisse ki companies aapko ek health package par haier kar le.

Toh isme wo students niraash na ho, jinki rank kam aayi hai, bas aapko thodi aur mehnat ki zarurat hai, aap bhi ek successful aadmi( Engineer, Doctor, Businessman ) ban sakte hai.

Government job ki Preparation :

Agar aapke 12th me acche marks hai, aur aap shuru se hi mind make karke baithe hai ki aapko government hi karni hai toh aapke liye govt. job ki preparation ek accha option ho sakta hai.

Aaj kal central govt. ya phir state govt. bhut form 12th base par nikalte hai.

Inme SSC sabse accha board mana jaata hai, jo ki 12th base par LDC ( Lower divisional clerk ), multi tasking, etc ke form nikalta hai.

Aapke state me bhi bhut se form state SSC, ya state govt. board bhi form ko nikalte hi rahte hai, jinki syllabus ke hissab se aap tyaari kar sakte hai.

Ye sab kuch aap apni graduation ke sath sath bhi kar sakte hai, jiska benefit aapko graduation based exam me bhi mil sakta hai.

Lekin yaha bhi aapko bhut hard work, dedication, time management etc ki zaurat hoti hai. Jinko manage karke aap apni manjil ko pa sakte hai.

Jaise ki maine pehle bataya ki aapko apni skill ko bhi develop kar sakte hai, wo aapki skill yaha par kaam aa sakti hai, jaise aapne computer ka ‘O’ level ka diploma kiya hua hai, toh uske adhaar par aapko yaha par advantage mil sakti hai. Jo aapke bhut kaam aa sakti hai.

Aise hi Typing skill ho gayi, jo mere khyaal se sabhi govt. me applicable ho gayi hai, jisko aap apni 12th ke sath bhi seekh sakte hai.

Isliye aap aapni ek aisi skill bhi improve karni chahiye, jo ki aapko aage future me jakar benefit de sake, aur aapke kaam me aa sake.

Business :

Business ko bhi hum 2 parts me divide kar sakte hai.

• Offline Business
• Online Business

Offline Business :

Abhi jo business hota hai wo offline business hi hota hai, jaise ki aap market me jaao toh aapko bhut se tarh ki shops milti hai Ex – Departmental Store, Clothing shops, Weddings shops etc.

Toh ye business jo hota hai wo offline business kahlata hai, lekin yaha aapko ye jaanne ki bhi zarurat hai ki, is business ke liye bhi aapko bhut experience hoti hai aur experience ke sath sath aapko chahiye paisa.

Jo ki ek offline business ko setup karne me madad karta hai.

Lekin yaha bhi wahi baat aa jaati hai ki 12th based business kitni der tak kiya ja sakta hai, kyuki agar me aapko na toh koi experience hota hai aur na hi aapke pass wo maturty hoti hai, jisse ki aap in sab cheezo ko handle kar sakte ho.

Lekin ha ek baat ho sakti hai ki agar aapka pehle se hi generation business hai toh aap isko aage badhne me madad kar sakte ho.

Online Business :

Online business jaise ki humare bhut se visitors aur aaj kal ka har educated yuva kar raha hai, for Ex – Blogging, Affiliate marketing, Online tutorial ke through education etc.

Lekin isme successful hone ke liye aapko chahiye ki aap in sab cheezo me bhut zaada acche ho, tab hi aap is field me kamyaab ho sakte hai. Kyuki agar aap internet ka use karte hai toh aapne aksar blogging me failed bloggers ko toh dekha hi hoga.

Online business ka ek dusra pehlu ek aur bhi hai. Wo hai, ki aap apne offline business ko online le aaye.

Yaha mai aapko ek example dekar samjana chahta hu, jaisi ki aapki ek wooden craft shop hai. Toh aap isko online la sakte hai.

Aap iske liye ek blog bana sakte hai, aur apni crafting ke designs ko online publish kar sakte hai, jisse ki zaada se zaada na sirf aapki city tak, balki poore india ke log usko dekh sakte hai, aur wahi se ghar bathe hi order kar sakte hai.

Yaha mai aapko ye bhi btana chahuga ki aap isse apni city se bhi bhut acchi earning kar sakte hai.

Ya phir ek tarika aur hai ki aap apne kisi bhi product ko E-commercial website par bhi sale kar sakte ho, jiska thoda se commission in e-commerce website ko jaayga aur baaki ka aapko mil jaayga.

Aaj ye tarika bhi bhut trend me hai, aur isse bhut se logo ko faayda bhi ho raha hai.

Toh ye thy kuch aise tarike jo ki aap 12th passout karne ke baad apply kar sakte ho.

Aapko humara ye article kaisa lga aap hume neeche diye gaye comment box me comment karke hume bata sakte hai.

Toh isi tarh vikasplus ke sath jude rahiye aur vikas karte rahiye.

Thank you,