Adsense series ke is article me hum aapke samne ek baar phir hazir hai.

Kya aapki website par accha traffic aa raha hai, phir bhi aapki earning kam hai ?

Kya aapki website ke earning ki main source of income Adsense hai ?

Toh aapke liye bhut zarori ho jaata hai ki aap apne adsense account ko optimize kare, adsense ko behtar banaye, jisse ki adsense se hone wali aapki earning badh sake .

Aaj hum baat karege ki adsense ki CPC kaise badate hai, kaise hum CPC ko optimize karke apni earning bada sakte hai ?

Toh aayiye shuru karte  hai :

CPC kya hai ?

Agar aap apni website par adsense ke advertisement laga rahe hai, toh Google apko per click ke hisaab se paise deta hai. Maan lijiye kisi visitor ne aapke ad par click kiya toh aapko us ad ki cost ke 68% aapko deta hai baaki apne pass rakhta hai.

• Adsense ke liye kaise apply kare
• Adsense ki Technical Jaankari (CPM, CPC, CTR aur CPA kya hai)

Cost per click ko keywords aur success rate ke dwara bhi define kiya ja sakta hai.  Jab ko keyword search kiya jata hai toh, us keyword ka success rate dekh kar hi aapko payment ki jaati hai.

Ex. Maan lijiye ek keyword hai <<real estate>> toh ye apne durse word ki tulna me bhut expansive hai jaise <<opossum>>

• CPC = Aapke webstie ads par click ke jariye diya jaane wala paisa.

CPC ko kaise badaye ?

#1 Apni website par Quality Traffic laaye :

Quality Traffic se mera matlab hai ki, Jo aapki website ka content hai aapka traffic usse kitna mail khata hai. Maan lijiye aapki website mobile repairing se related hai  ya phir mobile ke reviews dete ho. Lekin aapki website par jo ad show ho rahe hai wo shoes, clothes, toys etc ke ho rahe hai toh wo ek dum galat hai. Kyuki agar apki website par mobile se related ads dekhege toh hi visitor un ads par click karege.

Aisa isliye hota hai kyuki kabhi kabhi Bloggers confusion me kisi bhi topic par article likhne shuru kar dete hai. Isse hota ye hai ki uski website ka jo subject hota hai, jo theme hoti hai wo change ho jaati hai ya mix-up ho jaati hai. Isse Google confusion me aa jaata hai ki website par kon sa ads show karna  hai.

Google Adsense se $ 200 per day kaise kamaye.

Isliye aap ye zarur dekh le ki aap jo articles likh rahe hai wo aapki website ke content se match hone chahiye jisse ki google bhi confused na ho ki website par kis type ke ads show karne hai.

#2 Apni Keyword Research poori rakhe :

Isme mai aapko batana chahuga ki aapka jo bhi topic ho jis par aapko article likhna hai uski poori research karke rakhe. choti se choti cheez us article ke baare me aapko pata honi chahiye. aur Adword me jaakar aap ye bhi dekhle ki jis Adword aap article likh rahe ho us par ad lagane ke google kitne paise de raha hai. Ye aap Keyword planner me check kar sakte hai.

Keyword research bhut matter karta hai, kyuki dekhiye shuru me toh aap google ads par control nhi kar sakte jaisa ad wo aapko dega wo aapko lagana padega. Lekin jaise jaise aapki website ki rank shudarti jaaygi, jo keyword aapki website par zaada search kiya jaayga, phir usi ke according aapko google ad provide kara dega.

Jaise ki aap Laptop, Mobile reviews par article likh sakte hai, Hosting, web designing par article likh sakte hai. Kyuki in product ki value zaada hoti hai aur phir jo company jaise flip kart ya snap deal amazon in par jo commission deti hai wo bhi bhut zaada hota hai.

#3 Domain ki quality acchi rakhe :

Aapki koi bhi Domain ho Google usko apni nazar me rakhta hai. Mera kahne ka matlab ye hai ki apne topic par focus raho. Jaise mere ek educational website hai toh mai is par Adsense, SSC, Blogging, Web Designing se related article hi likhta hu, Jisse jab bhi kisi ko problem ho toh usko kisi bhi article ko dudhne me koi problem na ho, kyuki usko pata hai ki humari website in topics se related hai.

Website par ads article ki length ke hisab se lagaye :

Waise toh google aapko 8 ad provide karata hai, ki aap itne ads apni website ya post me laga sakte ho. Lekin mera suggestion hai ki aapko 3 se zaada ads apni post me lagane nhi chahiye, kyuki isse aapke visitors distract ho jaate hai aur wo aapki webstie par dubara aana bhi nhi chahte, kyuki aapke article me ads hi ads bhare hue hote hai.

Adsense Account Zald Approve kaise karaye

Mera ye manna hai ki ads aap aur zaada bhi laga sakte hai lekin uske liye aapko ek quality lengthy article likhna padega. Jisse ki aapki website par traffic bhi accha aaye aur aap ads bhi zaada laga sake.

#4 Apne Ads ki positioning sahi rakhe :

Aap apni website par jo ads lagate hai, wo aap top, bottom, side aur middle kahi par bhi laga sakte hai. Lekin jo Google hai wo sabse zaada paise us Ad ke deta hai jo website me sabse uper hota hai. Aap apne mobile me check kar sakte hai ki kon sa Ad sabse uper khulta hai, google generally us Ad ki cpc sabse zaada rakhta hai.

Aap apne Ads ki testing bhi kar sakte hai, samay-samay par unki positioning change karke ye dekh sakte hai ki kon kon se ads perform kar rakhe hai aur kon se ads perform nhi kar rahe hai.

#5 Adsense channel ka use kare :

Adsense channel kya hai ?

Adsense ek account hai, lekin hum us account par bhut se adsense channel bana sakte hai ( Jaise T.V. me channel hote hai, thik waise hi ). Jinme hum different tarike ke ads daal sakte hai, aur ye dekh sakte hai ki kon sa channel better perform kar raha hai. Aur jo channel accha perform kar raha hai, usko post par laga sakte hai.

Ye karne se aapko ye pata chalta rahega, ki kon sa channel aapki website ke liye accha perform karta hai, isko har 2-3 month try karte rahna chahiye.

#6 Video aur Photos Ads lagaye :

Video ya Photos Ads ki CPC zaada rahti hai kyuki wo multimedia Ads hote hai aur zahir si baat hai jo cheez aapko dekhne me zaada attractive lagti hai wahi bikti hai.

Aksar aapne dekha hoga ki jab bhi aap kisi ad ke liye Newspaper ke pass jaate hai, toh wo Text Ads ke kam paise leta hai aur Photo Ads ke zaada paise leta hai. Aise hi Google Adsense bhi aapko video ad clicking ke zaada paise deta hai, kyuki usko bhi piche se zaada paise milte hai. Toh Google hume commission bhi zaada deta hai.

#7 Apni website ki CTR badhaye :

CTR (click through rate )

Jaise CPM aur CPC advertising ki cost ko dikhate hai, CTR uski efficiency ko dikhata hai. CTR decide karta hai ki aapko kis ads se per click kitne aaye hai, ye apke ads ke click rate ko alag alag ads ke impression ke number se divided ads ki digit hai. Jitni zaada aapki CTR hogi utna aapka revenue badega.

• CTR = percentage of clicks per impression

Kyuki jaise jaise aapki CTR badegi, waise hi aapki CPC bhi badh jaati hai, kyuki ye dono cheeze ek dusre se interlinked hoti hai. Aur dono ke badhne se hi aapki Adsense income bhi badh jaati hai.

#8 Country ko Target kare :

Aap kis country ki audience ko target kar rahe ho, ye baat bhi bhut matter karti hai. Agar aap Indian Auidence ko target kar rahe ho toh naturally aapki CPC kam rahegi. Kyuki Indian audience ki jo online paise kharchne ki potential hai wo kam hai. Lekin agar aap Europe ki audience ko target karte ho toh website CPC  zaada rahegi, kyuki jo english speaking country hai ek waha se aapko dollor me earning hoti hai aur unki jo online paise kharchne ki potential hai wo bhut acchi hai.

#9 Mobile friendly website banaye :

Mobile friendly se mera matlab hai ki aapki website responsive honi chahiye aur mobile par acche se chalni chahiye. Desktop par jo Ads dekhte hai unki quality mobile ads se kam hoti hai, kyuki mobile ke ads bhut high quality ke hote hai aur unki CPC bhi zaada hoti hai. Isliye aapki website aisi honi chahiye jo Desktop aur Mobile me bina kisi dikkat ke chal sake.

#10 Adsense aur Analytics account ko link kare :

Analytics humare website traffic ko track karne ke kaam me aata hai, lekin uska ek aur fayda ye hota hai ki, agar hum usko adsense account se jod dete hai toh wo hume ye bhi batata hai ki kon se page se humne zaada revenue aa raha hai. Jaise maine apni website are bhut se articles likhe hue hai, lekin mere ko paise 8-10 articles se hi aa raha hai, toh maine zarur kuch na kuch accha toh zarur likha hua hoga un articles me.

Isse fayda ye hoga ki mai ye dekh sakta hu ki main aisa kya accha kiya tha un articles me jisse mere ko jaada paise aa rahe hai, toh mai yahi cheez dusre articles me bhi apply kar sakta hu. Aur apne aane wale articles me bhi wahi cheeze apply kar sakta hu.

Agar aap uper di gayi sabhi tips ko follow karoge, toh pakka aapki website ki CPC increase hogi aur aapko Google Adsense ko samjne me zaada knowledge milegi.

Aap apne CPC se related kisi bhi parkar ke questions humnse neeche diye gaye comment box me puch sakte hai.

Aap hume social media par bhi follow kar sakte hai, Humare Addresses hai :

• Facebook Group 
• Twitter
• Google Plus

Thank you