3 Tarike – Tezi se Jada Cheeze Seekhne ke

Aaj ki duniya itni tezi se change ho rahi hai, aaj ke samye ko hum information age bhi kehte hai.

Aaj ke samye me ye mainye nahi rakhta ki hume kya aata hai, lekin  ye mainye rakhta hai ki hum kitna jaldi nayi cheeze seekh sakte hai. Kyoki hume jo bhi aata hai wo kuch hi samye me purana ho jata hai.

Bohot se log mujhse poochte hai ki life me kaamyaab kaise bane. Mere paas unke liye ek hi sujhaav hai “Seekho” – “The more you learn, the more you earn”

Aap jitnaa jaada seekhoge aapko utna jaada ayega.

Jab hum chote hote hai tab hum seekhne ka bohot shownk hota hai, hum har cheez ke baare me jaana chahte thy.

Lekin jaise jaise hum bade hote hai, tab kuch aur hota hai. Hum apne upar ahankaar (ego) hone lagta hai, hume lagta hai ki hum sab kuch jaante hai, jis wajha se hum seekhna kum kar dete hai.

Kya aapko pata hai ki duniya ka ek sabse Amir vyakti Mr. Warren Buffett jinki age 85 ki hai wo aaj bhi din main 300 – 400 pages ki report padhte hai, Tabhi wo itne amir hai.

Hum me se bohot se log GYM jaakar body ki toh exercise karte hai, lekin apne Dimaag (Brain) ki exercise karni bhool jaate hai.

Bachpan me mera ek class teacher kehta tha ki “Dimag ko jitna ghisoge, utna chamkega”. Humara dimaag bhi ek muscle ki tarha hota hai, uspar aap jitna joor daaloge wo utna jaada strong ban jayega.

Problem ye hai ki bohot se log kuch seekhne lagte hai aur bohot jaldi haar maan jaate hai. Unka dimag itna kamjor ho chuka hota hai ki wo kuch mushkil cheez seekhne se bachte hai.

Lekin aisa nahi hona cahiye, Weight lifting ki tarha aapke dimag ko bhi jaada seekhne ki dheere dheere aadat padne lag jaati hai.

Is post me mai aapko kuch aisi baate batauga jisse aapki learning speed aur seekhne ka confidence badega.

#1 Hamara Dimaag Aalsi (Lazy) Hota Hai

Sabhyata (Civilization) ka vikas bohot tez gati se hota hai, aur hamare dimaag aur sharir ka Vikas bohot deemi gati se.

Mera is baat ko kehne se ye matlab hai ki hamara dimaag aaj bhi waisa hi hai jaise wo aaj se 500 ya 1000 saal pehle tha. Wakt badal chuka hai, lekin dimaag ki banawat aur working me jada kuch badlaaw nahi aaya hai.

Aaj ki is duniya mai khaane ki toh unlimited supply hai, lekin 1000 saal pehle hamare poorwajo ke liye khana milna zindagi aur moat ka sawaal tha. Aur kisi bhi jagha par faltu energy lagana hamare liye dangerous saabhi ho sakta tha.

Isi energy ko bachane ke chakkar me hamara dimaag bohot aalsi hota gaya, kyoki bhale hi hamare dimag ka grey matter hamare shareer ka sirf 2% weight leta ho lekin jab hum uska istimaal karte hai to wo hamare shareer ki 20% tak ki energy le sakta hai.

Ab jamana badal gaya hai, lekin dimaag ki working 1000 puraani hi hai. Isliye jab bhi hum kuch naya seekhne ke koshish karte hai tab hame neend aane lag jaati hai.

Dimaag ko kaam karne ki aadaat daalni padhti hai.

Mai Gym ka udharan deta hun. Jab hum shuru shuru me Gym jaate hai tab hamari body bohot jaldi takh jaati hai, Lekin agar aap himaat karke lage rahe to kuch samye baad aapko aadat pad jaati hai aur aapki body me badlaaw dikhna shuru ho jata hai. Aur ek samye to aisa bhi aata hai ki Gym karne me bohot maja aane lag jaata hai.

Yahi baat hamare dimaag par bhi laagu hoti hai. Jab bhi aap kuch naya seekhne ke koshish karege to aapko neend jaroor aayegi, lekin agar aap himmat karke lage rahe to aapko apne intelligence level me badlaaw dikhna shuru ho jayega, aur kuch samye baad seekhne me maza bhi aane lag jayega.

#2 Apne Aap Se Skill Ko Lekar Juth Bolna :

Agar aapka dimaag kuch sikhne ki kosis nhi kar raha hai toh, aapko aisa lagta hai ki aap bhut zaada thake hue ho aur aap kuch na kuch bahana banane ke baare me sochne lagte ho. Isse hota ye hai ki aap aaj ka kaam, kal. aur kal ka kaam, parso ke liye chod dete ho. Dheere – Dheere aapko aisa lagne lagta hai ki aap kuch seekh hi nhi sakte.

Aise mamlo me, aapko apne aap se juth bolne ke liye tyaar hona pad sakta hai. Ye sabse asaan tariko me se ek tarika hai, kyuki aap jo apne aap ki ek image banate ho toh dimaag bhi waise hi react karne lag jaata hai. Aapko bas apne aap se ye kahna kisi bhi cheez ke baare me ki ” Aap ye sab kuch kar sakte hai, isme hai kya, ye toh bhut asaan kaam hai “. Phir dekhna iska kitna positive impact padta hai aapke kaam par. Research se pta chala hai ki ek halki se muskaan aapke dimaag se sabhi kaam badi asaani se karwa sakti hai.

Nayi cheeze sikhna itna asaan nhi hota, lekin agar wo aa jaaye toh life bhut enjoyable ho jaati hai.

#3 Motivational Videos, Audios dekhna ya sunna aur Books padna :

Jab bhi aap kuch seekhne ki kosis karoge toh aapke samne sabse badi dikkat yahi aati hai ki aap aapka mann us kaam ko seekhne me nhi lagta. Toh iske liye aap Motivational Books padh sakte hai, yadi aapko books me interest nhi hai toh, aap vidoes ya audio dekh ya sun sakte hai. Isse aapko inspiration milti hai, aur kuch seekhne ya jaanne ke liye inspire hona bhut hi zaruri hai.

Kyuki yahi ek jariya hai jo aapko koi cheez seekhne ke liye inspire karta hai.

Agar aapko baaki logo se jaada knowledgeable hai toh, aap unse jaada aage bhad paaoge.

Problem ye hai ki hum log sochte hai ki “Insaan galtiya karke seekhta hai” – Lekin hum ye baat bhool jaate hai ki “Ye galtiya jaroori nahi ki hamari khud ki ho, Hum doosro ki galtiyo se bhi seekh sakte hai”

Aur doosro ki galti se seekhne ke liye hume apne aapko jhukana hota hai, Vinamra banna hota hai.

Aapko humara ye article kaise laga aap humne neeche diye gaye comment box me likh kar zarur bataye.

Thank you,