SEO Guide Chapter 5 : Keyword Research Kaise Kare

Jab bhi koi mujhse poochta hai ki VikasPlus par traffic laane ke liye aap konsa “SEO” ka tarika istimaal karte ho ? To mera ek hi jawaab hota hai.

“Mai apni website ko popular karne ke liye do baato par dhyaan deta hun, pehli ke Logo ki kya demand hai aur doosri ki mai is demand ko dhyaan me rakhte hue ek behtareen high quality article kaise likh sakta hun”

Bas agar aapne is baat par focus kar liya to log apne aap aapki website par traffic badhayege, aapko kabhi bhi koi SEO trick lagane ki jaroorat nahi padegi.

Lekin logo ki kya demand hai, aur kis topic par article likhna cahiye – iska pata kaise lagaye?

Logo ki demand pata karne ke liye Keyword research ka use hota hai.

Keyword research SEO ka sabse basic hissa hai, kuch kaaran se log ispar jada dhyaan nahi dete, lekin Keyword Research karna sabse jaroori hai, jese ki backlinko ke Brain Dean ka kehna hai “Bina keywords ke, SEO ho hi nahi sakti”

Agar aap duniya ke kisi bhi top blogger ko dekhege to jaanege ki un sab mai ek baat common hai. Ye bloggers keyword research mai experts hai.

Pehle ye samajhna jaroori hai ki keyword research hai kya?

Keyword research ek tarika hai jisse hum ese words dhundte hai jinke baare mai log search kar rahe hai. Aur Research dwara hum in words ki search volume aur competition ka bhi andaza laga sakte hai.

Google ke pehle page par sirf  10-12 results show hote hai, aur unme se bhi shuruwaat ke 1-2 par hi jadatar traffic jaata hai. Agar aap bina soche samjhe kisi bhi topic par articles likh rahe hai to aapki website ka Google ke front page par aana bohot mushkil hai.

Keyword research hume ese topic dhundne me help karta hai jisse hum baaki hazaaro websites se bhi upar aa sakte hai.

Jadatar naye bloggers ese keywords dhundte hai jinka use karke unki website par jada se jada free traffic aye. Lekin expert blogger ese keywords dhundte hai jisse ki unhe apne audience ko samajhne ka moka mile.

Keyword research karna ek kala hai. Aur is article mai hum uss kala ko achi tarha samjhne ke koshish karege.

Agar aapne keyword research ki kala ko seekh liye to naa hi aap apne blog par jada traffic laa sakege, lekin aap apne customers/readers ko apne competition se behtar samajh sakege.

Jaadatar log keyword research galat tarike se karte hai, wo log apne aap se sochne lag jaate hai ki logo ki kya jaroorat hai aur wo konsa keywords search kar rahe hai. Aur phir Google Keyword Planner ke prayog se jo unhe sahi lagte hai wo keywords chun lete hai.

Lekin aaj hum esa tarika nahi seekhege, esa tarika sirf kabhi kabhi chalta hai, aaj hum kuch esa seekhege jisse aapko bina jaada time gawaye, keyword research ki ek solid foundation mil sake.

SEO Guide Chapter 1 : SEO (Search Engine Optimization ) kya hai aur SEO aapki website ke kyu zaruri hai.

Sabse pehle hume Niche market dhundni hogi.

Bohot se Internet marketers Keyword pehli baar mai hi keyword research karna Google Keyword Planner (GKP) se sikhate hai. Isi wajha se shuruwat se hi bloggers galtiya karna shuru kar dete hai.

(Note:  Abhi bas ye jaanlo ki GKP ( Google Keyword Planner ) keyword research ka ek tool hai, GKP ke baare mai hum is article mai aage padhege.)

Lekin hume sabse pehle apni Niche market dhundni cahiye, agar humne apni Niche markets ko sahi tarha se dhund liye to hum GKP ko behtar tarike se istimaal kar sakege.

Aap soach rahe hoge “Niche market kya hota hai ?”

Niche market ek badi Market ka chota sa hissa hota hai. Ek specialized hissa.

Jese ki ek family Doctor hota hai jiske paas har bimari ka ilaaj hota hai. Lekin jab kisi ko Heart ki problem aati hai to Heart specialist ke paas jata hai, Family doctor ke paas nahi.

Heart specialist ek choti si field hai, is hum Niche field ya market keh sakte hai.

Keyword research karne ke liye hume “Bade taalaab mai choti machli banne ke bajaye, chote talaab mai badi machli banna hai” Chota talaab Niche market hai.

Chalo maan ligiye ki aapki website “Rajasthani Cloth” ke baare mai hai.

Agar hum keyword ideas ke liye ise GKP mai daalte hai to aapko bohot ki milte julte ideas milege. Aur ese hoge jinke baare mai koi bhi search nahi kar raha hai. Isi wajha se mai GKP se shuruwaat karne ko mana karta hun.

(Hum Google Keyword Planner – GKP ke baare mai aane waale section mai padhege, abhi pehle Niche market Dhoondte hai.)

Aap dekh sakte hai ki yaha par jada ache keyword ideas nahi show ho rahe hai. Jaadatar vyakti Google search mai aise keywords search nahi karte hai.

Rajasthani Cloth mai interested log kuch esi cheeze search kar sakte hai.:

• Rajasthani Miniature Painting on Silk Cloth
• How to make Rajasthani Cloth wall hangings
• Rajasthani Choli
• Rajasthani Lehenga
• Where to buy Rajasthani Dress for Kids

Aap khud hi dek sakte hai ki inme se koi bhi suggestion Google Keyword Tool ne nahi di hai.

Hume kuch ese keyword dhundne hai jinke baare mai abhi jada kisi ne nahi likha hai, aur uska tarika hai pehle apni field ke Niche ideas dhundna.

For Example : “Rajasthani Miniature Painting on Silk Cloth” ki Niche market “Rajasthani Cloth Painting” hai.

Dekhne mai esa lagta hai ki ye market bohot choti hai aur inka traffic bohot kum hai, lekin yahi markets hai jo aapki website ko top lijaane mai help kar sakti hai. Aur inhi markets ke dwara hi aap badi badi website ko bhi peeche chod sakte hai.

To chlaliye in steps mai apni Niche market dhundne ki koshish karte hai:

Audience ki tarha sochiye

Aapko apni website ke liye Niche markets dhundne ke liye Apni target audience ki tarha sochna hoga.

Ab koi bhi vyakti jo “Rajasthani Cloth” mai interested hai wo kya kya search kar sakta hai ?

• Ghagra Choli
• Rajasthani Wall hangings
• Rajasthani Wedding Dress
• Bandanwar
• Rajasthani Paintings

Aap dekh sakte hai inme se kisi bhi cheez mai “Cloth” to ata hi nahi, lekin ye sab bane to cloth se hi hai (insaano ki tarha socho machino ki tarha nahi. )

Is tarike ko aap ek step aage lijaakar khud vyakti bankar soch sakte hai.

SEO Guide Chapter 2 : Google Search Engine kaise Operate karta hai

Sochiye agar mai ek Maa hota. Jiski age 37 ki hai aur use ghar se mahina ka 5000 kharcha milta hai, ab is mother ko apni choti beti ke school function ke liye ek traditional dress cahiye, jo unke seher mai nahi mil paa rahi hai :

• Wo Internet par kya search karegi ?
• Use kya problems aa rahi hai ?
• Kya wo dress khud banane ki soch rahi hai ?
• Kya wo Dress ko online order karna cahti hai ?

Ye tarika ajeeb jaroor lagta hai lekin agar aap is tarike ko 6-7 alag alag vyakti bankar apply karoge to aapko Online success guaranteed hai.

“Kyoki ab aap apne customer ke dimaag mai ghus kar soch rahe ho”

Ecommerce Websites par Dhunde

“Rajasthani Cloth” ek esi cheez hai jo market mai bikti hai, to inke baare mai jaane ke liye hum Ecommerce website se bhi ideas nikal sakte hai. “Rajasthani Cloth” ek Ethnic wear hai, aur iske liye India mai kahi saari websites hai, lekin mai do website chun raha hun Flipkart.com aur Yepme.com

Hum pehle Flipkart par research karte hai:

Step 1: Flipkart.com ko apne browser mai kholo

Step 2: Ab search box mai Rajasthani type karo

Aap dekh sakte hai ki Type karte hi mujhe 4 niche market ideas mil gaye 🙂

• Rajasthani Sarees
• Rajasthani Single Bedsheet
• Rajasthani Blanket
• Rajasthani Quilts

Step 3: Next humsearch par click karte hai, ab hamare saamne Rajasthani word se related sabhi products aa jaege.

Lekin mujhe sirf cloth related items cahiye to hum Left mai bane Filter mai se Clothing par click kar deta hun.

Flipark par 6,624 Rajasthani items hai, ab hum Popular par click karke sirf Best items upar le ate hai.

Product ke naam se hum andaja laga sakte hai ki konsi Niche market famous hai, Kyuki ye products popular hai iska matlab ye hai ki log in products ko pasand karte hai.

Flipkart se humne kuch hi minutes mai 6-7 Niche ideas nikal liye:

• Rajasthani Embriodered Sari
• Rajasthani Casual and Formal Dress
• Rajasthani Printed Kurti
• Rajasthani Handloom

Aur Ideas ke liye hum Google Discussions par search kar sakte hai.

Google Discussions par Dhoonde

Internet par bohot si esi jaghaye hai jaha par log discussions yani Sawaal Jawaab karte hai. In discussions ko padhkar bhi aap andaja laga sakte hai ki log kis tarha se sochte hai aur ve kis bhasha ka prayog karte hai.

Aap in jaghao par jaakar bhi research kar sakte hai. Kuch website hai jese ki:

• Quora
• Yahoo Answers
• Forums
• Facebook Groups
• Google Groups

Ap in website par ek ek karke bhi apne keywords ko search kar sakte hai. Lekin har website par alag tarha ki discussion hoti hai.

Mujhe nahi pata ki log “rajasthani clothes” ke baare mai jada discussion konse forum par ki jaati hai. To mai iske liye Google Discussion par search kar sakta hum. Esa karne ke liye hum Google ke filter ka use kar sakte hai.

Bohot kum logo ko pata hai ki Google mai hum advanced search bhi kar sakte hai.

Discussion search karne ke liye aap Search Term ke baad inurl:forum|viewthread|showthread|viewtopic|showtopic|”index.php?topic” | intext:”reading this topic”|”next thread”|”next topic”|”send private message” laga sakte hai, esa karne se Google aapko sabhi Question Answers aur Forums show kar dega.

Esi discussion ki websites bhi aa jaegi jinke baare mai aapne kabhi suna bhi nahi hoga.

“rajasthani clothes” ke liye hum ye search karege

rajasthani clothes inurl:forum|viewthread|showthread|viewtopic|showtopic|”index.php?topic” | intext:”reading this topic”|”next thread”|”next topic”|”send private message”

Hume Discussion research karne se ye pata chal raha hai ki – Jo foreign tourists Rajasthan aate hai wo yaha ke traditional cloths ke baare mai internet search karte hai.

Yaha se kuch aur keywords mile jese ki:

• Attire in Rajasthan
• Rajasthani Ethnic Clothes
• Dress code in Rajasthan
• Travelling Clothes for Rajashtan

Humne kuch hi samye mai intne bhadiya bhadiya Niche ideas nikal liye ki shayad hi kisi Rajasthan ki website ne itna likha hoga 😉 haha’

SEO Guide Chapter 3 : Search Engine ke sath kaise interact kare

Keywords Research

Hume apni Niche research karli, ab hum apni Keyword research shuru karte hai.

Pehle jaante hai ki Keywords kitne prakaar ke hote hai.

Keywords ko jaadatar 3 categories mai bata jaata hai, jo ki keywords mai use kiye gaye words se tey hoti hai. Jitne jada words hamare keyword mai hoge, utna hi uss keyword ke liye kum competiton hoga, aur hum uski google par achi rank karwa sakege.

Inhe hum Head Keyword, Body Keyword aur (Long) Tail Keywords bhi kehte hai.

Is graph mai hum dekh sakte hai ki jese jese keyword ka size badhta hai wese wese competition kum hote chala jaata hai. Jitna kum competition hoga, ranking karna utna hi aasaan hoga.

Head Keywords: Ye single-word keywords hote hai jinki volume (मात्रा) internet par bohot jaada hoti hai. Jahir si baat hai esa hoga bhi kyoki agar koi “Cricket” search kar raha hai to wo score, match date, team details kuch bhi search kar raha ho sakta hai. Ese keywords mai bohot high competition hai, aur bohot popular website hi results mai show hoti hai.

Body Keyword: Ye 2-3 words ko milakar bana hota hai, Body keyword ki volume na bohot jaada hoti hai na bohot kum. In keywords mai Head keywords se kum competition hota hai. Lekin phir bhi competition ke wajha se is keyword ke liye rank karna mushkil hai. Kyoki agar aap agar internet par “Photoshop tutorial” search karege to bohot jaada website hai jo is keyword par kaam karti hai.

Long Tail Keywords: Ye keyword ek sentence (वाक्य) ki tarha hote hai. Aur jadaatar log vakye dwara hi search karte hai. In keywords ki volume internet par kum hai isliye in keywords par rank karna baakiyo se aasaan hai. Challenge hai ki sahi long tail keyword kaise dhunde. Jub hum google mai kuch search bhi karne lagte hai to google hume long tail keywords ki suggestion hi deta hai.

Internet par crore websites hai, competition bohot jaada hai. Isliye jitne bhi top bloggers hai wo Long Tail Keywords par jada focus karte hai.

Long Tail keywords bohot kum logo ko target karte hai. Lekin ese keywords link back laate hai, jisse humari website ki ranking Head aur Body keywords ke liye bhi majboot ho jati hai.

Last section mai hume apni kuch Niche markets ko dhund liya tha. Ab hum un markets ka use karke apni Keyword research ko aage badhayege.

Keyword research ke liye sabse best tool Google dwara banaya gaya Google Keyword Planner hai.

Google Keyword Planner kaise use kare?

Hume apni Niche market to dhundli hai, lekin hume apni keyword research facts par karni cahiye. Hamare paas kuch solid data hona cahiye jispar vishwas rakhkar hum apne keywords dhund kar unpar kaam kar sakte hai.

Keyword planner se hum kisi bhi keyword ki jaankari prapt kar sakte hai, aur ye dekh sakte hai ki ye keyword Google par monthly kitin baar search ho raha hai, iska competition kya hai aur hum konsa keyword use karna cahiye aur konsa nahi.

(NOTE: Google keyword planner ko Advertisers ke liye bana gaya hai, isliye isme bohot se extra features hai jo abhi hamare kisi kaam ke nahi hai. Mai aapko aage batauga ki kon kon se feature hume use karne cahiye.)

Ab hum Google Adwords se keyword research karna seekhte hai.

Step 1: Sabse pehle Google Keyword Planner ko Khole:

GKP ko chalane ke liye sabse pehle aapko Google Adwords mai apni Google ID se login karna hoga. Apne Google Adwords account setup kare.

Google Adwords mai GKP chalane ke liye top menu bar mai se Tools par click kare. Aur waha se Keyword Planner select kare.

Ab aapke saame Tools aajaege. In tools ka prayog hum apni Keyword Research ke liye kar sakte hai.

Step 2: Tools ke features jaane

Google keyword planner ka har Tool important hai, Bus hume ye pata hona cahiye ki konsa tool kaha use karna hai.

Tool one: Search for new keywords using a phrase, website or category

Ye tool sabse jaada use hota hai Google keyword tools mai, kyoki ye naye ideas dhundne ke kaam ata hai.

Jesa ki humne pichle section mai dekha ki GKP nay ideas ke liye shuruwaat mai use nahi karna cahiye. Hume Ideas ke liye apni Niche markets dhundni hogi aur phir hum un ideas ko yaha par research karke badhiya keywords nikal sakte hai.

Jab aap is option par click karege to aapko ek form milege. Is form ko samajhne ki koshish karte hai.

Enter one or more of the following –

Your Product or service: Yaha par hum apni Niche market ya phir koi bhi keywords jise research karna hai daal sakte hai. Yaha par aap Body keywords jese ki “Rajasthani Saree” ya “Hand made Bags” hi daale.

Hume abhi ke liye sirf is pehli filed bharne ki jaroorat hai, Your landing page aur Your product category Advertisers ke liye jada kaam ke hai.

Targeting: Yaha par hum Country, language aur search engine ko target kar sakte hai. Agar aap Indian market ke liye keywords dhund rahe ho to aap yaha country mai “India” select kar sakte ho.

(NOTE : Baaki sabhi options abhi hamare kaam ke nahi hai. Mai aapko bas wahi cheeze bata raha hun jo mai khud keyword research ke liye use karta hun.)

Tool two: Get search volume data and trends

Yaha par hum bohot saare keywords ek sath search kar sakte hai.

Ye tool tab kaam ata hai jab aapne bohot saare keywords research kar liye ho, aur ab aap un keywords mai se dekhna cahte hai ki konse keyword par kaam karne kaa jada fayada hai.

Is tool se hum naye ideas nahi nikaal sakte.

Tool three: Multiply keyword lists to get new keywords

Is tool mai aap thode bohot word daal sakte hai aur fir ye tool un word ko jod tod kar bohot saare ideas banane ke kaam ata hai.

Ab jab aap “Get search volume” par click karoge to aapko in sabhi words ke combination mil jaege.

Jab hum kisi bhi tool ke dwara search karte hai to ek result page aata hai. Is page mai do section hote hai.

Ad group ideas aur Keyword ideas

Hume mai ideas to Keyword ideas tab mai se hi milege, lekin Ad group ideas tab mai bhi bohot se unique ideas hote hai.

Hur search result mai Keyword ke aage 3 tarha ki jaankaria likhi hoti hai.

Avg. monthly searches : Iss hume ye pata chalta hai ki is keyword ke liye log ek mahine mai kitni baar search karte hai.

Competition: Isse hume ye pata chalta hai ki kitne log is Keywords se sambandhit Ads dena cahte hai. Ads se jo hamari earning hoti hai wo adsense ke dwara hi hoti hai.

Aur jada competition ka matlab hai ki jada log is tarha ke keyword waale article par apna Ads daalna cahte hai.

Ye keyword ka competition nahi bata raha, ye kitne log is keyword se sambandhit Ads daalna cahte hai wo bata raha hai. To jitna jaada competition utna accha.

Suggested Bid: Jab koi hamari website par Ad par click karta hai to hume Google us Ad ki company dwara liye gaye Paise ki kuch commission deta hai.

To jitna mehnga Ad hoga hume utni hi jaada commission milegi. Suggested bid hume ye batata hai ki is Ad ke liye Advertiser kitne paise dene ko tayaar hai.

Isse hume apne keyword ki value ka bhi andaja ho jata hai.

SEO Guide Chapter 4 : Search Engine Marketing kyu zauri hai

Google Keyword Planner se ek bhadia keyword dhunde

Ab humne GKP ko chalane ka tarika dekh liya hai.

Chaliye apni kisi Niche market ke dwara GKP mai keyword research karte hai.

Agar aapne abhi bhi Niche market nahi nikali hai to aap kisi bhi keyword se ise try kar sakte hai. Keyword ki lamabyi 2-3 words ki rahke. Mai pichle section mai nikaali gayi Niche market hi use karuga.

“Rajasthani Saree” – maan lijiye ki hum kisi eCommerce website ke liye SEO kar rahe hai.

Hume ispar blog post likhni hai. Aur kuch aise keywords use karne hai jiske liye hum rank kar sake.

GKP kholkar Tool One mai apne keyword ko type kare.

Ab Get Ideas par click kare.

Ab humare saame keyword se sambandhit bohot saare Ideas aa jaege.

Pehle tab “Ad group ideas” ko dekhte hai.

Yaha se apne keyword se sambandhit kisi Group par click karte hai.

Group mai aap bohot se ideas dekh sakte hai, unke search volume aur Bid ke sath.

In keywords ko ab aap apne articles mai use kar sakte hai.

Aur ideas ke liye aap Keyword ideas par click kar sakte hai.

Is tarha se aap apni sabhi Niche markets ko research kar sakte hai, aur har ek ke liye keyword ideas nikal sakte hai.

Konsa keyword select kare?

• Avg. Monthly searches jaada ho
• Suggested Bid jaada ho

Mujhe lagta hai ki aapko ab tak andaaza ho gaya hoga ki kis tarha aap in tools ka fayada utha sakte hai.

Long Tail Keyword kaise dhunde?

Hume Google keyword planner use karlia, bhadiya. Wo hume (2-3 words ke) Body keywords deta hai.

Lekin agar aap kuch search kar rahe ho aur aapka competition bhi kuch wesa hi search kar raha hai to GKP lagbhag same results deta hai.

Phir aapme aur competition mai farak kya raha? Agar aap dono ek hi keyword par kaam karne lag pade to kon jeetega?

Google Keyword planner bohot acha tool hai, lekin competition ko pichadne ke liye aap ek step aage ki sochna hoga.

Aapko ese keyword dhundne hoge jinki demand to hai, lekin unke baare mai koi nahi likh raha.

Aapko Long Tail Keyword par kaam karna hoga.

Ab hum kuch esi tarike dekhege jisme koi tool nahi use hota, lekin ye tarike aapko kuch behtareen Long Tail keywords dila sakte hai.

Tarika #1: Dekho ki log kya Sawaal pooch rahe hai

Acha article likhne ka ek tarika hai ki ese article likhna jinke baare mai log pareshaan hai aur internet par sawaal jawaab kar rahe hai. Best keyword wo keywords hote hai jo logo se nikalkar aate hai.

Maine is tarike ka pehle bhi use kia hai, yaha par phir karte hai. Google Discussions

Maan ligiye hum “Green Tea” ke baare mai article likh rahe hai, aur hum Green tea se sambandhit Long tail keyword cahiye. Google par sabhi discussions ko search karne ke liye hum ye search kar sakte hai:

green tea inurl:forum|viewthread|showthread|viewtopic|showtopic|”index.php?topic” | intext:”reading this topic”|”next thread”|”next topic”|”send private message”

Google results mai kuch forums aa gaye hai.

Waise to is page par bhi kahi saare ideas dikh rahe hai, Lekin aap in forums ke search results ke neeche “More Results” par click karke, aur ander jaa sakte hai.

Ab hum dekh sakte hai ki log kis baare mai pooch rahe hai. Is Questions se hum apne articles ke like long tail keyword s andaja laga sakte hai.

Affiliate or Adsense : kisme hai zaada paise

2 min mai humene 3-4 Long tail keywords nikaal liye, is proof ke saath ki log iski demand kar rahe hai:

• Can you overdose on Green Tea ?
• Is it safe to Drink Green Tea while Bulking ?
• Green Tea Extract Pills vs Regular Green Tea | Which one is Best?
• 10 reasons why you should drink green tea to promote weight loss.

Tarika #2: Twitter aur Facebook par research karo

Duniya ke sabse jada log agar internet par kuch karte hai to wo Facebook aur Twitter chalate hai.

Ye dono social networks Ideas ki khadaan hai.

Ja log twitter par kisi se kuch bhi kehna cahte hai to wo #hastags ka use karte hai, Hum in hastags ko search karke dekh sakte hai ki log hamari Niche ke baare mai kya keh rahe hai, jisse hum kuch bhadiya ideas nikaal sakte hai.

Maine example ke liye “Dark Chocolate Weight” search kiya. Ab dekhiye kya results mile.

Kitna aasaan hai, humare saamni kitne bhadiya long tail keywords page hai.

Long tail keyword ideas :

• 10 Healthy sources of Dark Chocolate
• How consuming an Once of dark chocolate daily can help you loose weight 2x faster
• Skin benefits of eating dark chocolate
• If not taken right – Dark Chocolate increases weight

Itne badhiya 4 ideas hum mil gaye hai.

Isi tarha se hum Facebook ke search feature ka use karke bhi keywords research kar sakte hai.

Facebook mai privacy jaada hai isliye kahi baar kuch acha nahi milta, lekin jab milta hai to bohot hi sahi keyword banta hai.

jese ki

• Sugar in Dark Chocolate is terrible for Skin.
• Why you should eat dark chocolate before going out.

Social networks par keywords dhundne ke liye thodi practice cahiye. Lekin namumkin kuch bhi nahi hai.

Aap har roz apni social media profile par search karke apni niche se related naye updates se bhi connected reh sakte ho.

Tarika #3: Google Searches related to Padhe

Ye mera Favorite hai

Jab hum Google par kuch bhi search karte hai to uske neeche “Search related to…” ka option bana hua aata hai.

Jo ki kuch is prakar ka dikhta hai:

Isme bohot hi bhadiya Long tail keyword milte hai.

Google ke is feature ko follow karne ke liye aap ye steps follow kar sakte hai:

Step 1: Apni Niche market ko Google mai search karo. Hamari Niche market hai “Rajasthan Saree”

Step 2: Ab apne Search result page ke sabse neeche aap dekh sakte hai ki “Searches related to rajasthani saree” likha hua hai.

Is section mai hume kuch gazab ke keywords mil sakte hai.

Google dwara diye gaye keywords kabhi kabhi itne badhiya ho sakte hai ki shayad hi aap inhe kahi or se laa sakte hai.

Jese apni poori research mai hume “How to wear rajasthani saree” nahi dekha.

Aap in ideas ko note karke aur ander jaa sakte hai. Jese ki maine jab “How to wear rajasthani saree” par click kiya to mujhe agle search result page ke neeche aur bhi bohot bahdiya keywords mil gaye.

(hum isi tarha keywords par click kar karke aur ander jaa sakte hai, aur bhadiya keywords nikal sakte hai)

Tarika #3: Keywordtool.io par ideas dhunde

Har keyword nikaalne ke tarike ke kuch fayade hai aur kuch kamiya hai.

Behtar ye hai ki aap tarha tarha ke tools ka istimaal kare, jisse ki aapko pakke results mil sake.

Jese ki hume bohot saare keywords nikaal liye hai, Ab hum ek esa tool use karege jo hum Google auto complete suggestion se bhi behtar keyword suggestion de sakta hai.

Ye tools Google, Youtube, Bing teeno ke liye use kiya jaa sakta hai.

Hum isme apne keyword ko search kar sakte hai aur ye tool hume use milte julte sabhi results de sakta hai.

Is tool ko use karne ke liye keywordtool par jaaye aur search field mai apna keyword daale.

Ab Enter press karke search kare. Is tool ka free version aapko sabhi badhiya se badhiya suggestion dikha dega.

Aap dekh sakte hai ki is tool nahi hume kitni behtareen suggestion di hai.

Affiliate marketing Kya hai? Flipkart, Amazon, Snapdeal se paise Kaise Kamaye?

Tarika #4: Amazon Books ka fayada uthaye

Ye part unke liye hai jo apne blog par kuch seekhate hai.

Aapko pata hai ki jadatar log kaamyaab kyo nahi hote?

Kyoki wo apne Friends ko copy karte hai. Agar kisi ko copy karna hi hai to sabse top ki vyakti ko copy karo.

Amazon par books, Udemy par courses aur Wikipedia par content ye sab jadatar apni field mai top aur experienced log hi likhte hai.

Hume dekh sakte hai ki ye log kya keh rahe hai, Kyoki in logo ko pata hai ki log kya cahte hai, inse seekhne mai hum inke experience ka use kar sakte hai.

Pehle Amazon par dekhte hai:

Amazon Books se long tail keyword nikaale

Sabse pehe Amazon.com par jaaye, aur upar search field mai apne Niche ke aage “in books” lagakar search kare.

Humari Niche abhi “Dark Chocolate” hai, to hume “Dark Chocolate in Books” search karege.

Ab hum search result mai se kisi bhi book par click kar sakte hai.

Amazon ki ek bohot hi badhiya baat ye hai ki Amazon hume “look inside” feature se Book ke ander ke kuch pages padhne deta hai.

Book ke ander dekhne ke liye Left mai bane Book cover par click kare

 

Book khul jaegi, Ab Book section sidebar mai se Index par click kare.

Aapke saame Book ka poora index khul jaega. Is index mai aap book ke sabhi topics ko dekh sakte hai.

Yaad rakhiye ye book Dark chocolate ki kisi expert nahi likhi hai, to iska matlab hai ki isme diye gaye sabhi topic sahi hi hoge.

Hum index padhte kahi saare long tail keyword ko dhund sakte hai.

Kuch long tail keyword mile jaise ki:

• Dark Chocolate as superfood
• Health aspects of cacao/chocolate
• History of Hershey Chocolate Company
• Illness cause by chocolates
• Molded Chocolate Bars

Ek aur jagha hai isi page par.

Hota kya hai ki bohot se log book padhne ke baad Aamazon par apne review likhte hai. Ese log kahi baar review mai book mai kya kya acha laga wo bhi likhte hai.

Ye reviews readers dwara banaye gaye hai aur bohot hi unique hote hai.

Is Chocolate book ke page par kuch mai se ek review hai:

Aap dekh sakte hai ki is ek review mai hi kitne saare ideas mojood hai.

---

Mere paas keywords research karne ke aur bhi bohot tarike hai. Lekin.

Aap apne tarike khud bana sakte hai.

Keyword har samye hamare aas paas hi mojood hai. Hume bar Aware (अवगत) rehne ki jaroorat hai.

Jab koi aapse baat kar raha hai uske baat mai bhi kahi saare keywords chupe hai, TV par koi kuch bol raha hai waha par bhi, Kisi article, Kisi book, Kisi Song, Kisi Newpaper, Kisi ke vicharo mai har jagha keywords mojood hai.

Jesa ki maine pehle kaha hai ki keywords nikaalna ek kala hai. Jo is kala mai mahir ho gaya use Internet par kisi bhi website ko popular karne mai koi problem nahi hogi.

Internet par bohot se aur bhi tarike mil jaege. Lekin sab tarike bekaar hai agar aap apna dimaag nahi chalaoge.

Maine aapko apne kaam karne kaa tarika bataya hai. Aap issko dekho aur samjho aur phir apna tarika nikaalo jo mere tarike se bhi acha ho.

Mujhe umeed hai ki aapko aaj kuch acha seekhne ko mila.

Is article se sambandhit agar kuch bhi poochna hai to aap neeche comment karke pooch sakte hai.

Thank You for reading 🙂